Gənc alim İstanbulda beynəlxalq konfransda məruzə edib
Dek 17 , 2019 | 10:59 / Mühüm hadisələr
Dek 17 , 2019 | 10:59 / Mühüm hadisələr
Oxunma ( 2354 )
17 dekabr tarixindən başlayaraq Türkiyənin İstanbul şəhərində keçirilən “Mexanika mühəndisliyində nailiyyətlər” mövzusunda sayca 5-ci beynəlxalq konfrans öz işini davam etdirir. ABŞ, Kanada, Almaniya, Çin və digər gəlişmiş ölkələrin nüfuzlu alimlərinin qatıldığı ənənəvi elmi tədbirdə AMEA Riyaziyyat və Mexanika İnstitutunun “Sürüncəklik nəzəriyyəsi” şöbəsinin elmi işçisi, mexanika üzrə fəlsəfə doktoru Emin Bağırov da iştirak edir. Bu gün gənc alimin və Türkiyənin Yıldız Texniki Universitetinin professoru, AMEA-nın müxbir üzvü Surxay Əkbərovun həmmüəllifi olduğu elmi məruzəsi konfransın müvafiq panelində şifahi təqdim edilib. Məruzə tədbir İştirakçıları tərəfindən xeyli maraqla dinlənilərək yüksək qiymətləndirilib. Gənc alim konfransın Elmi-təşkilat Komitəsi tərəfindən sertifikatla təltif olunub.
Mexanika sahəsində tədqiqatlar aparan çoxsaylı alimlərin məruzəsi ilə davam edən tədbirə 19 dekabr tarixində yekun vurulacaqdır.
