“Sabahın alimləri” müsabiqəsinin finalına vəsiqə qazanmış şagirdlərlə görüş keçirilib
Fev 11 , 2020 | 08:50 / Görüşlər
Oxunma ( 202 )

AMEA-nın İnformasiya Texnologiyaları İnstitutunda “Sabahın alimləri” IX respublika müsabiqəsinin final mərhələsinə vəsiqə qazanmış şagirdlərlə görüş keçirilib.

Görüşdə AMEA-nın vitse-prezidenti, institutun direktoru, akademik Rasim Əliquliyev, müəssisənin Elmi şurasının üzvləri və gənc alimlər, eləcə də Avropa liseyinin İKT üzrə direktor müavini Rahilə Əliyarzadə və müəllim heyəti iştirak ediblər.

Tədbirdə akademik Rasim Əliquliyev AMEA-nın əsas prioritet istiqamətlərindən birinin elm və təhsilin inteqrasiyası olduğunu, bu məqsədlə gənclər arasında müxtəlif olimpiadaların, elmi və texnoloji layihələrin keçirildiyini bildirib. O, liseyin şagirdlərinin elmə marağının artırılması üçün interaktiv yarışların təşkilinin böyük səmərə verəcəyini söyləyib, institut əməkdaşlarının İKT sahəsində bilik və bacarıqlarını məktəblilərlə bölüşməyə hazır olduqlarını vurğulayıb.

Daha sonra şagirdlər 11-13 fevral 2020-ci il tarixlərində Beynəlxalq Elm və Mühəndislik Sərgisi çərçivəsində keçiriləcək müsabiqəyə kompüter elmləri istiqaməti üzrə hazırlanmış layihələri təqdim ediblər.

Görüşdə çıxış edən Avropa liseyinin direktor müavini Rahilə Əliyarzadə diqqətə çatdırıb ki, müsabiqəyə təqdim olunan layihələr İnformasiya Texnologiyaları İnstitutunun əməkdaşlarının elmi rəhbərliyi və məsləhəti ilə hazırlanıb.

Sonda müsabiqədə iştirakla bağlı görüləcək işlər müzakirə olunub, təkliflər səsləndirilib.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.