AMEA Geologiya və Geofizika İnstitutunun Gənc Alim və Mütəxəssislər Şurasının təşkilatçılığı ilə tələbələr üçün AMEA-nın 75 illiyinə həsr olunan “Gələcəyə addım” adlı geologiya və geofizika üzrə ümumrespublika olimpiadasında iştirakla bağlı müraciətin vaxtı pandemiya ilə əlaqədar olaraq 01 iyul tarixindək uzadılmışdır. Müsabiqənin Elmi Təşkilat Kommitəsinin (ETK) sədr müavini, həmçinin  AMEA Geologiya və Geofizika İnstitutunun Gənc Alim və Mütəxəssislər Şurasının sədri, Yer elmləri üzrə fəlsəfə doktoru, dosent Orxan Abbasovun verdiyi məlumata görə hazırkı pandemiya şəraitində sözügedən olimpiadanın “online” formatında keçirilməsi məsələsi ETK-nin ümumiləşdirilmiş iclasında qərara alınıb. Finalı 15 iyulda “Microsoft Teams” proqram təminatı ilə həyata keçiriləcək olimpiadanın ümumi mükafat fondu 2200 AZN təşkil edir.

Ətraflı məlumat və qeydiyyat üçün aşağıdakı linkdən istifadə etmək olar.

https://sites.google.com/view/olimpiada2020/ana-s%C9%99hif%C9%99