AMEA-da magistrantlarının dissertasiya işlərinin müdafiəsi yekunlaşıb
İyl 01 , 2020 | 04:47 /
Oxunma ( 3371 )

AMEA-nın prezidenti, akademik Ramiz Mehdiyevin müvafiq sərəncamı ilə yaradılmış İxtisaslaşdırılmış müdafiə şuralarında magistrlik dissertasiyalarının müdafiələri onlayn şəkildə uğurla həyata keçirilib. Müvafiq ixtisaslar üzrə yaradılmış 18 İxtisaslaşdırılmış şurada 49 ixtisas üzrə 67 magistrant dissertasiya işini müdafiə edib.

Müdafiələrdə AMEA-nın 150-yə yaxın alimi iştirak edib, magistrantların tədqiqat mövzularının təqdimatı çoxmeyarlı (aktuallıq, elmi yenilik, elmi hazırlıq, təqdimat bacarıqları, ədəbiyyatlardan istifadə, rəylər, nəşr aktivliyi və s.) yanaşmadan istifadə edilərək 100 ballıq sistemlə qiymətləndirilib və onlar magistr elmi dərəcəsinə layiq görülüblər.

2019/2020-ci tədris ilində məzun olan magistrlər tərəfindən dissertasiya mövzularına dair yerli və xarici mənbələrdə 150-yə yaxın elmi məqalə və tezis nəşr olunub.

İxtisaslaşdırılmış müdafiə şuralarının işinin təşkilinə nəzarət və metodiki dəstək AMEA Rəyasət Heyəti aparatının Elm və təhsil idarəsi tərəfindən həyata keçirilib.

Magistrlik dissertasiyalarının müdafiələrində AMEA-nın akademik-katibi, AMEA-nın müxbir üzvü Əminağa Sadıqov iştirak edərək magistrantlara öz irad və təkliflərini bildirib. Çıxışlarında elmi fəaliyyətin davam etdirilməsinin zəruriliyini vurğulayan Ə.Sadıqov Azərbaycan elminin varisliyinin qorunmasında və inkişafında gənclərin iştirakının vacibliyini qeyd edib. O, bu istiqamətdə gənclərə dövlət himayəsinin göstərilməsinin əhəmiyyətindən danışıb.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.