Sen 02 , 2020 | 02:48 / Mühüm hadisələr
AMEA Nizami Gəncəvi adına Milli Azərbaycan Ədəbiyyatı Muzeyi doktorant və dissertantları ilə daha sıx elmi və təşkilati əlaqələrdə olması üçün hər il yeni qəbul edilmiş doktorant və dissertantlarını Gənc Alim və Mütəxəssislər Şurasına üzv qəbul edir. Ənənəyə sadiq olaraq bu il də doktorant və dissertantlardan yaşı uyğun olanların Muzeyin Gənc Alim və Mütəxəssislər Şurasına daxil edilməsi məqsədi ilə avqust ayının 31-də online iclas keçirilmişdir. Online iclas zamanı yeni üzvlərə Şuranın iş prinsipləri, qaydalar, tələblər izah olunmuşdur. İclasda Şuranın sədri, müavini və üzvləri iştirak etmiş, səsverməyə əsasən yeni üzvlər təsdiqlənmişdir. Nəticə olaraq doktorant İlahə Abbaslı, fil.ü.e.d. üzrə disertant, dos. Vüsalə Ağabəyli, fil.ü.e.d. üzrə dissertant Mahirə Hacıyeva, doktorant Murad Həsənli, doktorant İnci Həşimova, doktorant Elnarə Kərimova AMEA Nizami Gəncəvi adına Milli Azərbaycan Ədəbiyyatı Muzeyinin Gənc Alim və Mütəxəssislər Şurasına üzv olaraq qəbul edilmişdir. Daha sonra yeni üzvlərin sualları Şuranın sədri Dilbər Hüseynova və Təhsil şöbəsinin müdiri Kəmalə Nuriyeva tərəfindən cavablandırılmış, üzvlərin təklifləri qiymətləndirilmişdir.
Sonda Şuranın növbəti iş planları, görüləcək işlər barədə müzakirələr aparılmış, gələcək fəaliyyətdə yeni üzvlərin də aktiv iştirakı ilə layihələrin hazırlanması qərara alınmışdır.