Fotos
AMEA Botanika İnstitutunun alimi Dünya Florsaı Onlayn şurasının iclasında Azərbaycanın mövqeyini müdafiə edib
Okt 19 , 2020 | 03:15 / Mühim hadisələr
Oxunma ( 28 )

“Onlayn Dünya Florası” (WFO) konsorsiuma üzv təşkilatları şurasının “Zoom” platforması üzərindən növbəti onlayn iclası keçirilib.  Şuranın iclasında AMEA-nın Botanika İnstitutunun Sistematika və biomüxtəliflik şöbəsinin müdiri, biologiya üzrə fəlsəfə doktoru, dosent Rəşad Səlimov da iştirak edib.

Şuranın iclasında Taksonomik Ekspert Şəbəkələrinin (TEN) çiçəkli bitkilərin təsnifatına dair nomenklatur düzəlişlər, veb portalda taksonomik məlumatların emalı və rəqəmsallaşmasının yenilənmələri, qarşıda duran yeni vəzifələr haqqında məruzələr dinlənilib və geniş müzakirələr aparılıb. Tədbirdə b.ü.f.d R. Səlimov bəzi təşkilatların veb bazalarında ölkəmizin ərazisi və florasına aid məlumatların təhrif olunduğunu, bu tipli məlumtaların istifadəsinin yolverilməz olduğunu diqqətə çatdırıb. WFO Şurasının həmsədrləri Prof. Dr Peter Wyse Jackson və Prof. Dr Pierre-André Loizeau, həmçinin digər iştirakçılar qaldırılan məsələ ilə əlaqədar həmfikir olduqlarını bidliriblər. Bu yüksək səviyyəli elmi tədbirdə azərbaycanlı aliminin vətəndaş və elmi mövqeyini çatdırması bu an üçün çox vacibdir.

Qeyd edək ki, Dünya Florası Onlayn konsorsiumu ABŞ-ın Missuri və Nyu-York Botanika Bağları, eləcə də Böyuk Britaniyanın Kyu və Edinburq Kral Botanika Bağları tərəfindən 2012-ci ildə birgə təsis olunub və BMT-nin Bioloji Müxtəliflik Konvensiyasının 2011-2020-ci illərə aid Bitki Mühafizəsi üzrə Qlobal Strategiyasının (GSPC) ilk hədəfinin həyata keçirilməsinin təşviqi üçün qlobal təşəbbüsçüsü hesab olunur.

2016-cı ildən konsorsiumda bərabərhüquqlu üzv kimi təmsil olunan AMEA-nın Botanika İnstitutunun alimlərinin bu kimi yüksək səviyyəli platformada iştirakı bitkilərin mövcud müasir təsnifat və nomenklaturaya uyğun Azərbaycan üzrə onlayn taksonomik resurslarının və floranın yenilənməsi mexanizminin işlənib-hazırlanması baxımından böyük əhəmiyyət kəsb edir.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.