Okt 26 , 2020 | 03:52 / Görüşlər
25 oktyabr AMEA Torpaqşünaslıq və Aqrokimya İnstitutunun Gənc Alim və Mütəxxəsislər Şurasın təşkilatçılığı ilə institutun gəncləri könüllü olaraq ön cəbhədə vuruşan əsgərlərimizə sovqat aparıb. Bu haqda məlumat verən Şuranın sədri Fərid Mustafayevin sözlərinə görə, ordumuzun maddi-texniki bazasının tam təchiz olunmasına baxmayaraq, arxa cəbhədə olan hər kəs öz vətəndaşlıq mövqeyini bildirir və maddi və mənəvi formada əsgərlərimizin yanında olmağa çalışır: "Əminik ki, hal-hazırda cəbhədə düşmənə qarşı mubarizədə əsgərlərə aparılan bu sovqatlar torpaqlarımızı işğaldan azad etməyə çalışan hərbçilərdə daha da ruh yüksəkliyi yaradacaq".
O bildirib ki, belə həssas günlərdə bu addımlar respublikamızda ordu və xalq arasında olan birliyin yüksək səviyyədə olduğunun göstəricisidir. "Azərbaycan haqlı mübarizəsində qələbə qazanacaq. Əsgərlərimizlə hər zaman qürur duyuruq. Qarabağ Azərbaycandır! Qələbə bizimlədir!", deyə qeyd edib.