Dek 07 , 2020 | 08:56 / Mühüm hadisələr
AMEA-nın Botanika İnstitutunun Sistematika və biomüxtəliflik şöbəsinin müdiri, b.ü.f.d., dos. Rəşad Səlimov Türkiyənin Rəcəb Tayyib Ərdoğan Universitetinin təşkilatçılığı ilə onlayn keçirilən II beynəlxalq Biomüxtəliflik Tədqiqatları Simpoziumunun (2nd International Symposium on Biodiversity Research, ISBR2020) plenar iclasında məruzə ilə çıxış edib.
Bioloji müxtəlifliyin və ekosistemə dair müxtəlif aspektli məsələlərin müzakirə olunduğu simpoziumda R.Səlimov “Azərbaycanda bioloji müxtəliflik və ekosistem tədqiqatlarının innovativ yanaşmalarının tətbiqi: nailiyyətlər və çağırışlar” mövzusuna toxunub, Botanika İnstitutunda son illərdə bu sahədə aparılan məqsədyönlü tədqiqatlara dair məlumat verib, iştirakçıların suallarını cavablandırıb.