AMEA Botanika İnstitutunun mikologiya laboratoriyasının müdiri, b.e.d D.N.Ağayeva,gənc tədqiqatçılardan b.ü.f.d. L.Abasova və E. İsgəndərli Avropa şabalıd bitkisi üzrə şəbəkə layihəsi (EUROCASTANEA – European Chestnut Network) çərçivəsində keçirilən vebinarında qonaq qismində iştirak etmişlər. Vebinar şabalıd meyvəsində çürümə törədən invaziv endofit Gnomoniopsis castaneae  göbələyi, onun diaqnostikası,  yayılması,göbələyə qarşı bioloji və kimyəvi mübarizə yolları, latent infeksiyaların idarə edilməsi məsələlərinin  müzakirəsinə həsr edilmişdir. Tədbirdə Avropanın bir sıra ölkələrindən mikoloqlar bu sahədəki ən son aparılan tədqiqatlar barədə məruzə etmişlər.Çıxışlardan sonra iştirakçıların sualları əsasında ümumiləşdirilmiş geniş müzakirə aparılıb.Törədicinin sürətlə yayılmasını nəzərə alsaq bu patogen respublikada təbii şabalıdlıqlar və şabalıd əkinləri üçün yeni ciddi qəbul ediləcək təhlükə ola bilər.