Mart 09 , 2021 | 09:53 / Mühüm hadisələr
5 mart 2020-ci il AMEA Torpaqşünaslıq və Aqrokimya İnstitutunda 8 mart – Beynəlxalq Qadınlar Günü münasibətilə Gənc Alim və Mütəxəssislər Şurası və Həmkarlar İttifaqı Komitəsi təşkilatçılığı ilə zoom proqramı vasitəsi ilə online tədbir keçirilib. Tədbiri giriş sözü ilə açan AMEA Torpaqşünaslıq və Aqrokimya İnstitutunun direktoru, akademik Qərib Məmmədov İnstitutun qadın əməkdaşlarını Beynəlxalq Qadınlar Günü münasibətilə təbrik edib. Daha sonra akademik Qərib Məmmədov Azərbaycan Milli Elmlər Akademiyasının elmi və ictimai həyatında səmərəli fəaliyyətinə görə və 8 mart-Beynəlxalq Qadınlar Günü münasibətilə İnstitutun Qadınlar Şurasının sədri, a.e.f.d. Əminə Axundova və b.f.d. Nərgiz Həkimovaya AMEA Biologiya və Tibb Elmləri Bölməsinin Fəxri Fərmanını təqdim edib.
Tədbirdə çıxış edən İnstitutun elmi işlər üzrə direktor müavini a.e.f.d Qoşqar Məmmədov Azərbaycan qadınının ölkənin ictimai həyatında, eləcə də sosial, iqtisadi, siyasi, elmi və mədəni proseslərdə fəal iştirakının önəmini qeyd edərək, xanımları ürəkdən təbrik edib. AMEA Torpaqşünaslıq və Aqrokimya İnstitutunun HİK-in sədri a.e.d Məmməd Məmmədov qadınları təbrik edərək Azərbaycan cəmiyyətində qadınların fəallığı ilə fəxr etdiyini qeyd edib. Təbriklərə qoşulan Gənc Alim və Mütəxəssislər Şurasının sədri Fərid Mustafayev, a.e.d, Mustafa Mustafayev, a.e.f.d Əminə Axunovaqadınları Beynəlxalq Qadınlar Günü münasibətiləürəkdən təbrik edib, onlara möhkəm cansağlığı, xoşbəxtlik, şərəfli işlərində uğurlar arzulayıb.