AMEA  Tor­paqşünaslıq və Aqrokimya İnstitutu Gənc Alim və Mütəxəssislər Şurasının təşkilat­çılığı ilə 3-4 iyun 2021-ci il  “Elm Günü”nə həsr edilmiş “Aqrosenoz­ların torpaq-ekoloji problemləri və onların həlli yolları” mövzusunda Beynəl­xalq Elmi-Praktiki Konfrans keçiriləcək. Konfransın keçirilməsində məqsəd elmi tədqiqatların təqdimatı, müzakirəsi və qarşılıqlı məlumat mübadiləsidir. Elmi-Praktiki Kon­frans ilə əlaqədar materiallar məqalə forma­sında qəbul edilir. Məqalələrin həcmi 5 səhifədən artıq olmamalı və elektron variantı anas.conference.21@gmail.com ünvanına göndərilməlidir. Məqalələr 15 may 2021-ci il tarixə qədər qəbul ediləcəkdir.