Fotos
AMEA Lənkəran Regional Elmi Mərkəzində Elm gününə həsr olunan tədbir keçirilib
Mart 26 , 2021 | 10:58 / Mühim hadisələr
Oxunma ( 60 )

AMEA-nın Lənkəran Regional Elmi Mərkəzində (LREM) 27 Mart – Elm Gününə həsr olunan onlayn seminar keçirilib.

Tədbirdə çıxış edən Lənkəran Regional Elmi Mərkəzinin direktor müavini, biologiya üzrə fəlsəfə doktoru, dosent Sevinc Hüseynova tədbir iştirakçılarını əlamətdar gün münasibətilə təbrik edib, Elm gününün təsis edilməsi, Azərbaycanda elmə verilən yüksək dəyər, eləcə də LREM-də aparılan elmi-tədqiqatların əhəmiyyəti barədə məlumat verib.

Sonra mərkəzin elmi katibi, filologiya üzrə fəlsəfə doktoru Mehman Əliyev “Nizami-böyük alim kimi” mövzusunda məruzə ilə çıxış edib. O bildirib ki,  Nizaminin əsərlərində elmə yüksək qiymət verilib, ən çətin məsələlərin həllində elmin rolu önə çəkilib.

LREM-in direktor müavini, biologiya üzrə fəlsəfə doktoru, dosent Sevinc Hüseynova isə “Lənkəranda yaşayan uzunömürlülərin populyativ və sosial-bioloji xüsusiyyətləri” adlı məruzəsində Lənkəran-Astara bölgəsində uzunömürlülər arasında aparılan elmi-tədqiqat işlərindən danışıb və əldə edilən nəticələri diqqətə çatdırıb.

Seminarda, həmçinin AMEA-nın Gənc Alim və Mütəxəssislər Şurasının sədri, fizika üzrə fəlsəfə doktoru, dosent Famin Salmanov, Torpaqşünaslıq və Aqrokimya İnstitutunun Gənc Alim və Mütəxəssislər Şurasının sədri Fərid Mustafayev, Azərbaycan Dövlət Pedaqoji Universitetinin Quba filialının direktoru, fizika üzrə fəlsəfə doktoru, dosent Yusif Alıyev və digərləri Elm günü, onun əhəmiyyəti, institutlararası əməkdaşlıq, o cümlədən digər məsələlər barədə fikirlərini bölüşüblər.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.