İyunun 3-4-ü AMEA Torpaqşünaslıq və Aqrokimya İnstitutunda İnstitutunun  Gənc Alim və Mütəxəssislər Şurasının təşkilatçılığı Elm Günü”nə həsr edilmiş “Aqrosenoz­ların torpaq-ekoloji problemləri və onların həlli yolları” mövzusunda online Beynəl­xalq Elmi-Praktiki konfransı keçirilib. Tədbirin əvvəlində Azərbaycan Respublikasının ərazi  bütövlüyünün bərpa edilməsi uğrunda  canından keçmiş şəhid əsgər və zabitlərimizin ruhu  1 dəqiqəlik sükutla yad edilib və Azərbaycan Respublikasının Dövlət Himni səsləndirilib.

    Tədbiri giriş sözü ilə AMEA Torpaqşünaslıq və Aqrokimya İnstitutunun İnstitutunun  Gənc Alim və Mütəxəssislər Şurasının sədri Fərid Mustafayev açıb. Gənc Alim  F.Mustafayev Azərbaycan Respublikasının Prezidenti cənab İlham Əliyevin  27 mart “Elm Günü” nün qeyd edilməsin barədə 9 aprel 2018-ci il tarixli Sərəncamının dövlət başçısının  Azərbaycan elminə göstərdiyi diqqət və qayğı ilə yanaşı, həm də onun elm amilinin ölkədə  hərəkətverici qüvvəyə çevrilməsi istiqamətində həyata keçirdiyi məqsədyönlü dövlət siyasətinin tərkib hissəsi olduğunu qeyd edib.

        Konfrans haqqında qısa məlumat verən şura sədri qeyd edib ki,  konfransa elan üzrə 86 konfrans materialı daxil olub. Daha sonra çıxış edən konfransın təşkilat komitəsinin üzvü Ryazan Dövlət Aqrotexno­logiya Universitetinin professoru Yuriy Majayskiy konfransın təşkilindən məmnunluğunu ifadə edib. Korkut Ata adına Qızılordu Dövlət Universi­tetinin professoru İbadulla Tayutinov beynəxalq konfransın mövzusunun vacibliyini vurğulayıb və tədbirin əhəmiyyətini qeyd edib. Beynəxalq konfransda daha sonra təşkilat komitəsinin üzvləri  Orta Asiyada və Zaqafqaziyada İCBA-nın koordi­natoru, Tottori Universitetinin profes­soru  Kristina Toderiç və İnstitutunun Torpaqların aqroeko­logiyası və bonitirovkası şöbəsinin Torpaq ekologiyası beynəlxalq laborato­riyasının mü­diri, b.e.ü.f, dosent  Zaman Məmmədov çıxış edib. Tədbir konfrans iştirakçılarının məruzləri ilə 4 iyun tarixində də davam edib. Konfransda A. Əhmədova “Damcılarlarla suvarmanın torpaqların su-fiziki xassələrinə təsiri”, İ.Əliyeva “Gəncə Gəc zavodu ərazisində ekoloji monitorinq sisteminin təşkili”, K. Əliyeva “Abşeronda tərəvəzaltı torpaqların müasir ekoloji səciyyəsi”, T. İslamzadə “Gübrələrin norma və nisbətlərinin çəltik dəninin bəzi keyfiyyət göstəricilərinə təsiri”, Воротынцева Л.И “Орошение как один из факторов  повышения продуктивности агроценозов в условиях засушливости климата”, Левшунов И.А. “Поверхностный сток как фактор водной эрозии почв северо-восточной части Беларуси” və b. gənc alim maraqlı,aktual mövzulu məruzələrlə çıxış ediblər.

       Konfransın sonunda Fərid Mustafayev qeyd edib ki, AMEA Torpaqşünaslıq və Aqrokimya İnstitutunun direktoru, AMEA-nın müxbiü üzvü,professor Əlövsət Quliyev müəyyən üzrlü səbəblərdən tədbirdə iştirak edə bilməsə də konfrans iştirakçılarına  və təşkilat komitəsinin üzvlərinə öz təşəkkürünü bildirir. F.Mustafayev öz növbəsində konfransın moderatoruna və  iştirakçılarına tədbirdə aktiv iştirakları üçün təşəkkür edərək qeyd edib ki,belə tədbirlərin keçirilməsi  gənc alimlər arasında elmi əlaqələrinin gücləndirilməsində  böyük rol oynayır.