Bu gün Böyük Qələbəni şərtləndirən Tovuz döyüşlərinin ildönümüdür
İyl 12 , 2021 | 11:00 /
İyl 12 , 2021 | 11:00 /
Oxunma ( 1421 )
Bu gün Böyük Qələbəni şərtləndirən Tovuz döyüşlərindən 1 il ötür. İyulun 12-si günorta saatlarından başlayaraq Ermənistan Silahlı Qüvvələri Azərbaycan Dövlət Sərhəd Xidmətinin Tovuz rayonunda yerləşən mövqelərini artilleriya qurğularından atəşə tutublar.
Ötən ay Azərbaycan-Ermənistan sərhədində baş verən hərbi toqquşma ilə yadda qaldı. Belə ki, iyulun 12-dən başlayaraq Ermənistan ordusu artilleriya, iriçaplı silahlar və minaatanlardan istifadə etməklə Tovuz rayonu istiqamətindəki mövqelərimizə hücum cəhdi etdi. Azərbaycan Ordusu tərəfindən düşmənin xain hücumunun qarşısı qətiyyətlə alındı, işğalçılara ağır zərbə endirildi, ermənilərin çoxlu sayda hərbi texnikası və canlı qüvvəsi məhv edildi. Ermənistan ordusunun artilleriya atəşi nəticəsində Tovuzun bir neçə kəndində əhalinin təsərrüfatına, mülklərinə, yaşayış məntəqələrinin infrastrukturuna ciddi ziyan dəydi. Düşmənin yaşayış məntəqələrimizi artilleriya atəşinə tutması nəticəsində bir nəfər mülki vətəndaşımız həlak oldu. İyulun 16-dək davam edən döyüşlərdə böyük şücaət göstərən 12 hərbçimiz şəhidlik zirvəsinə yüksəldi.
Tovuz döyüşlərində Azərbaycan Ordusunun general-mayoru Polad Həşimov və polkovnik İlqar Mirzəyevin şəhid olması onu bir daha göstərdi ki, bizim yüksək rütbəli zabitlərimiz əsgərin arxasında gizlənmir, döyüş tapşırıqlarını ləyaqətlə yerinə yetirirlər. Bunun nəticəsidir ki, Azərbaycan Ordusu Aprel zəfərindən sonra Tovuz döyüşlərində də tarixi qələbəyə imza atdı.
Tarixi ədalətin bərpasında önəmli yer tutan bu hadisədə şəhidlik zirvəsinə yüksəlmiş Azərbaycan Ordusunun qəhrəman üzvlərinin ruhunu ehtiramla yad edirik.
