AMEA-da doktorant və dissertantların yay imtahan sessiyası keçirilib
İyl 26 , 2021 | 04:09 / Mühim hadisələr
Oxunma ( 121 )

Azərbaycan Milli Elmlər Akademiyası prezidentinin 8 iyun 2021-ci il tarixli 128 nömrəli  “Yay  imtahan sessiyasının keçirilməsi haqqında” sərəncamına əsasən, AMEA-da 22 iyun-22 iyul 2021-ci il tarixlərində yay imtahan sessiyası çərçivəsində ixtisas və doktorluq fərq imtahanları təşkil olunub. İmtahanlar AMEA-nın 22 elmi müəssisəsində keçirilib. İmtahanlarda iştirak edən fəlsəfə və elmlər doktoru hazırlığı üzrə doktorant və dissertantların ümumi sayı 140 nəfər olub.

Xarici dillər və Azərbaycan dili (əcnəbi vətəndaşlar üçün) fənlərindən doktorluq imtahanları 20-21 iyun 2021-ci il tarixlərində Azərbaycan Respublikasının Dövlət İmtahan Mərkəzi tərəfindən keçirilib.

22 iyul 2021-ci il tarixində imtahanlar başa çatıb. İmtahanlarda Azərbaycan Respublikası Prezidenti yanında Ali Attestasiya Komissiyası Rəyasət Heyətinin 29 yanvar 2021-ci il tarixli qərarında göstərilən qaydalara riayət olunub.

İmtahanlara nəzarət (müşahidəçi qismində) AMEA Rəyasət Heyəti aparatının Təhsil şöbəsinin Doktorantura sektorunun əməkdaşları tərəfindən keçirilib. İmtahanların şəffaf və mövcud qaydalara uyğun təşkil olunması üçün bütün müvafiq tədbirlər yüksək səviyyədə həyata keçirilib, doktorant və dissertantların elmi biliyinin obyektiv qiymətləndirilməsi prioritet götürülüb. Doktorant və dissertantların əksəriyyəti imtahanlardan müvəffəqiyyətlə keçiblər.

Yay sessiyasının yekun nəticələri imtahanda iştirak edən doktorant və dissertantların yüksək biliyə və elmi potensiala malik olduqlarını göstərir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.