Bu gün Sülh və İnkişaf Naminə Dünya Elm Günüdür
Noy 10 , 2021 | 04:00 /
Oxunma ( 70 )
Hər il noyabrın 10-da Sülh və İnkişaf Naminə Dünya Elm Günü qeyd olunur.
Bu əlamətdar gün 2001-ci ildə UNESCO-nun Baş Konfransında 1999-cu ildə Budapeştdə keçirilmiş UNESCO-nun və Dünya Elmi Şurasının ortaq birliyi zamanı verilən öhdəliklər çərçivəsində təsis edilib. Məqsəd elmin cəmiyyətdəki rolunu və geniş ictimaiyyətin elmi məsələlərin müzakirəsində iştirakının vacibliyini, eyni zamanda, elmin gündəlik həyatda əhəmiyyətini və aktuallığını vurğulamaqdır. Dünya Elm Günü bütün maraqlı tərəflərə - dövlət adamlarından tutmuş media nümayəndələrinə və məktəblilərə qədər hamını elm mövzusunda sülh və inkişaf naminə səfərbər etmək üçün bir fürsət verir. Bu, həmçinin cəmiyyətin dinc və davamlı inkişafı üçün elmin rolu barədə ictimaiyyətin məlumatlandırılmasına, müxtəlif ölkələr arasında elmi nailiyyətlərin paylaşılması üçün milli və beynəlxalq həmrəyliyin təşviqinə xidmət edir. Eyni zamanda, elmin cəmiyyətin xeyrinə istifadəsinə dair milli və beynəlxalq öhdəliyi yeniləməyi, qarşılaşdığı problemlərə diqqət çəkməyi və elmi fəaliyyəti dəstəkləməyi qarşısına vəzifə qoyub.
2021-ci ildə Sülh və İnkişaf naminə Dünya Elm Günü “İqlim dəyişikliyinə hazır icmaların yaradılması” mövzusuna həsr olunub. Bu il Dünya Elm Günü təsis edilməsinin 20-ci ildönümünü qeyd edir və UNESCO bu fürsətdən istifadə edərək hamı üçün açıq elmin təşviqinin vacibliyini xatırladır. Bu, bəşəriyyətin inkişafı üçün vacibdir və qlobal çağırışların öhdəsindən gəlmək, xüsusən də iqlim dəyişikliyinə hazır icmaların qurulması üçün ilkin şərtdir. Sülh və İnkişaf naminə Dünya Elm Gününə həsr olunan tədbir UNESCO-nun Elm Hesabatının nəticələrinə əsaslanacaq.
Dünya elminə böyük töhfələr bəxş edən dövlətlər sırasında olan Azərbaycan elm, təhsil sahəsində əhəmiyyətli nailiyyətlər qazanıb. Ölkəmizdə dövlət siyasətinin əsas istiqamətlərindən biri elm və təhsil sahəsinə göstərilən qayğının ardıcıl davam etdirilməsi, elmi-texniki potensialın qorunub saxlanılmasıdır. Elm və təhsil sahəsində yüksəkixtisaslı kadrların hazırlanması, cəmiyyətdə elmi işçilərin nüfuzunun artırılması istiqamətində bir sıra mühüm qərarların qəbul edilməsi ən aktual məsələlərdəndir. Azərbaycanın milli məhsulda elm və təhsilin çəkisini artırması, kapital resurslarının zəngin elmi bazaya, kadr potensialına yönləndirilməsi kimi mühüm addımlar atması müvafiq istiqamətdə nailiyyətlərin genişləndirilməsinə münbit şərait yaradır.
COVID-19 pandemiyası bütün dünyada ənənəvi şəraitdən tam fərqli bir situasiya yaradıb, prioritetlərə yenidən baxılmasını zəruri edib. Hər bir ölkə bu situasiyadan daha az itkilərlə çıxmaq üçün xüsusi strategiyalar müəyyənləşdirib.
Pandemiya dünyada olduğu kimi, Azərbaycanda da təhsil sisteminə təsirsiz qalmayıb. Lakin təhsilin fasiləsizliyinin təmin edilməsi ilə bağlı mühüm addımlar atılıb, lazımi tədbirlər görülüb.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.