Fotos
AMEA Botanika İnstitutunun Gənc Alim və Mütəxəssislər Şurasının yeni idarə heyəti seçilib
Noy 17 , 2021 | 03:50 / Mühim hadisələr
Oxunma ( 70 )

AMEA Botanika İnstitutunun Gənc Alim və Mütəxəssislər Şurasının (GAMŞ) növbəti iclası keçirilib.

İclası giriş sözü ilə açan müəssisənin baş direktoru, b.e.d., professor Səyyarə İbadullayeva gündəlikdə duran məsələlərlə gəncləri tanış edib. S.İbadullayeva qeyd edib ki, Botanika İnstitutunda yaradılmış Gənc Alim və Mütəxəssislər Şurasının tərkibinin "Gənclər siyasəti haqqında" Azərbaycan Respublikası Qanunun 9-1.2 bəndinə uyğun formalaşdırılması zəruridir.

İclasda Botanika İnstitutuun GAMŞ-nın tərkibinin sözügedən sənədə uyğun İdarə Heyətinin 17 nəfərdən ibarət yeni tərkibi təsdiq edilib. Səsvermə yolu ilə müəssisənin elmi işçiləri Aydan Zeynalova sədr, Nigar Mürsəl qızı sədr müavini və Emin Hüsüyev elmi katibi seçilib. Sonra şuranın yeni sədri A.Zeynalova iclas iştirakçılarına şuranın məqsədi, vəzifələri, fəaliyyət istiqamətləri və s. ilə bağlı geniş məlumat verib, bu istiqamətdə müzakirələr aparılıb, suallar cavablandırılıb. Sonda üzvlər şuranın gələcək fəaliyyəti ilə bağlı təklif və tövsiyyələrini verib.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.