19 noyabr 2021-ci il tarixində Türkiyənin Dokuz Eylül Universiteti (DEU) və AMEA-nın birgə təşkilatçılığı ilə ikitərəfli beynəlxalq onlayn elmi seminar keçirilib. “Zoom” platforması üzərindən baş tutan tədbirdə AMEA Aşqarlar Kimyası İnstitutunu “Fizioloji fəal üzvi birləşmələr” laboratoriyasının aparıcı elmi işçisi, k.ü.f.d. Sevinc Qocayeva təmsil etmişdir. O, içraçısı olduğu Azərbaycan Respublikasının Prezidenti yanında Elmin İnkişafı Fondunun Elmi-tədqiqat layihələri üzrə əsas qrant müsabiqəsinin (EİF-ETL-2020-2(36)) qalibi olmuş “Patoloji hallara qarşı daha təsirli bioloji aktiv maddələrin sintezi, kimyəvi modifikasiyası, molekulyar dokinqi, bioloji fəallığının kompüter tədqiqi və tətbiq sahələrinin müəyyənləşdirilməsi” layihəsi çərçivəsində həyata keçirilən elmi tədqiqatların əsas nəticələrindən bəhs edən “Fizioloji fəal maddələrin sintezində və tədqiqində yeni yanaşmalar” mövzusunda ingilis dilində məruzə etmiş, seminar iştirakçılarının suallarını cavablandırmışdır.

Tədbirdə biologiya, kimya, fizika, riyaziyyat, kompüter elmləri sahələrinin hər biri üzrə 2 məruzə AMEA-dan, 2 məruzə DEU-dan olmaqla 4 məruzə, ümumilikdə 20 məruzə dinlənilib.