Fotos
“Ulu Öndər Heydər Əliyevin gənclik, təhsil və elm ənənələri” mövzusunda tədbir keçirilib
Dek 10 , 2021 | 02:00 / Mühim hadisələr
Oxunma ( 481 )

AMEA-nın Kataliz və Qeyri-üzvi Kimya İnstitutunda Ümummilli  Lider Heydər Əliyevin anım gününə həsr olunmuş “Ulu Öndər Heydər Əliyevin gənclik, təhsil və elm ənənələri” adlı tədbir keçirilib.

İnstitutun Gənc Alim və Mütəxəssislər Şurasının təşkilatçılığı ilə keçirilən tədbirdə ilk öncə Ulu Öndər Heydər Əliyevin xatirəsi bir dəqiqəlik sükutla yad edilib.

Yığıncağı giriş sözü ilə açan şuranın sədri k.ü.f.d. Elmir Babayev qeyd edib ki, Heydər Əliyev şəxsiyyəti Azərbaycan tarixində, milli-siyasi təfəkkürümüzdə, dövlətçilik şüurumuzda böyük məna yükü daşıyan fenomendir. O, ömrünün 30 ildən çox hissəsini müasir Azərbaycan quruculuğuna həsr edib. H.Əliyev Azərbaycan xalqının yüksək elmi biliyə, savada malik olduğunu və bu dəyərlərin Azərbaycanda yaranmasının müəllim, pedaqoq və alimlərimizin gərgin əməyinin nəticəsi olduğunu bildirib.

Sonra institutun YAP ilk Ərazi partiya təşkilatının sədri Məhiyəddin Hacıyev çıxış edib. M.Hacıyev Heydər Əliyev siyasi kursu, dövlətçilik prinsipləri, gənclər, elm və təhsil siyasəti haqqında fikirlərini tədbir iştirakçılarının diqqətinə çatdırıb. Məruzəçi Ulu Öndərin gənclərə qarşı diqqət və qayğısından danışıb. Qeyd olunub ki, əsası Ulu Öndər tərəfindən qoyulmuş gənclər siyasəti bu gün də Prezident İlham Əliyev tərəfindən uğurla davam etdirilir.

Daha sonra şuranın idarə heyətinin üzvü Günel Əzimovanın təqdimatında sözügedən mövzuya həsr olunmuş məruzəsi dinlənilib. Məruzəçi çıxışında təməli Ulu Öndər Heydər Əliyev tərəfindən qoyulan gənclər və elm siyasətindən bəhs edib. Çıxışının sonunda G.Əzimova məruzəsini Heydər Əliyevin “Bizim bu günkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir… Gənclərimiz mükəmməl təhsil almalı, həyatı dərindən öyrənməli, dünyada gedən prosesləri bilməlidir. Lazımi fəaliyyət göstərib öz xalqına, dövlətinə xidmət etməlidir” fikirləri ilə tamamlayıb.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.