Qeyd etdiyimiz kimi, Gənc Alim və Mütəxəssislər Şurası və Yeni Azərbaycan Partiyası AMEA Rəyasət Heyəti Aparatının Ərazi təşkilatının birgə təşkilatçılığı ilə yanvar ayının 19-da “Milli iradəmizin zəfər tarixi - 20 Yanvar” adlı anım tədbiri keçirilmişdir. AMEA Gənc Alim və Mütəxəssislər Şurasının yeni İdarə Heyəti və  şuraya rəhbərlik edən digər sədrlər, üzvlər həmin tədbirin davamı olaraq yanvar ayının 20-də Şəhidlər Xiyabanında olmuşdurlar. Gənclər 20 Yanvar faciəsinin 32-ci ildönümü ilə əlaqədar Şəhidlər xiyabanına gələrək, Azərbaycanın müstəqilliyi və ərazi bütövlüyü uğrunda mübarizədə canlarını qurban vermiş şəhidlərimizin məzarlarına baş çəkmiş, onlar günahsız olaraq qətlə yetirilmiş, əbədi olaraq “Azərbaycanın qəhrəman vətəndaşları” adını daşıyacaq övladlarımıza ehtiram əlaməti olaraq məzarları önünə tər qərənfillər düzmüşdürlər. Belə ki, bununla AMEA Gənc Alim və Mütəxəssislər Şurası fəaliyyət prinsipi olaraq gənclərə nümunə qismində belə tədbirlərin təkrarlanmasını və geniş platformalarda keçirilməsinin zəruri olduğunu əyani şəkildə də diqqətə çatdırmışdırlar.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.