Gənclər və İdman Naziri Fərid Qayıbov gənclər təşkilatlarının nümayəndələri ilə görüş keçirmişdir
Yan 25 , 2022 | 12:43 / Görüşlər
Yan 25 , 2022 | 12:43 / Görüşlər
Oxunma ( 824 )
Tədbirdə çıxış edən AMEA Gənc Alim və Mütəxəsislər Şurasının sədri Elmir Babayev şuranın yaranma tarixi və fəaliyyət istiqamətləri barəsində məlumat vermişdir. O çıxışında Şuranın Prezident İlham Əliyevin imzaladığı 2017-2021-ci il dövlət proqramı əsasında, eləcə də ölkə başçısının fərmanları və sərəncamları, Nazirlər Kabinetinin qərarları və sərəncamları, AMEA-nın nizamnaməsi, Rəyasət Heyətinin qərarları və şuranın öz nizamnaməsinə uyğun qurulan fəaliyyətlərini diqqətə çatdırmışdır. Eyni zamanda natiq çıxışında Gənclər və İdman Nazirliyi və AMEA Gənc Mütəxəsislər Şurasının birgə həyata keçirdiyi layihələrə diqqət çəkmişdir. O dünya və avropa gənc alimlərinin iştirakı ilə Azərbaycanda baş tutan beynəlxalq form və konfransların birgə təşkilində, çox sayda AMEA mənsubu gəncin beynəlxalq elmi mərkəzlərdə təlim, konfrans və simpoziumlarda iştirak xərclərinin Gənclər və İdman Nazirliyi tərəfindən qarşılanmasında göstərilən dəstəkləri vurğulamışdır. Hər il 2 fevral gənclər günü münasibəti ilə Gənclər və İdman Nazirliyi tərəfindən mükafatlandırılan gənclər arasında AMEA-nın gənc alimlərinin yer alması qeyd olmuşdur. Daha sonra Elmir Babayev çıxışında Gənclər və İdman Nazirliyi ilə birgə görüləcək yeni layihələr barədə təkliflər səsləndirmişdir. Sonra digər natiqlərin çıxışları dinlənilmişdir və Nazirin sualları cavablandırılmışdır.
© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.
