Fev 06 , 2022 | 04:05 / Mühüm hadisələr
3-5 fevral 2022-ci il tarixlərində AMEA İdarəetmə Sistemləri İnstitutunda Azərbaycan Milli Elmlər Akademiyası (AMEA), Azərbaycan Respublikası Rəqəmsal İnkişaf və Nəqliyyat Nazirliyi və Azərbaycan Respublikası Təhsil Nazirliyinin təşkilatçılığı ilə Lütfi Zadənin anadan olmasının yüz illiyinə və elmi irsinə həsr olunmuş VIII Ümumdünya Yumşaq Hesablamalar Konfransı keçirilmişdir. Onlayn formatda üç gün davam edən beynəlxalq konfransda dünyanın 30-a yaxın ölkəsindən, o cümlədən Azərbaycan, Türkiyə, Rusiya, ABŞ, Meksika, Yaponiya, Polşa və s. xarici ölkələrin alim və mütəxəssisləri iştirak etmişdir. Tədbirdə yumşaq hesablama, qeyri-səlis məntiq və qeyri-səlis çoxluqlar, idrakda qeyri-müəyyənlik, biliyin təmsili, qərarqəbuletmə, neyron şəbəkələr və hibrid memarlıq, koqnitiv modelləşdirmə və s. sahələr üzrə aparılan yeni araşdırmaların elmi nəticələri təqdim olunmuşdur.
Təşkilatçılar: Azərbaycan Milli Elmlər Akademiyası İdarəetmə Sistemi İnstitutu,
Kaliforniya Universiteti, Berkeley, Kaliforniya, ABŞ və Azərbaycan Texniki Universiteti
Təşkilatı Dəstək: Azərbaycan Nəqliyyat, Rabitə və Yüksək Texnologiyalar Nazirliyi, Təhsil Nazirliyi, Azərbaycan Milli Elmlər Akademiyası
Beynəlxalq konfransda AMEA İdarəetmə Sistemləri İnstitutunun Gənc alim və mütəxəssislər şurasinin sədri, həmçinin "Fövqəladə hallarda idarəetmə" laboratoriyasının kiçik elmi işçisi, dissertant Lamiyə Nəcəfova, "Tanınma identifikasiya və optimal qərarqəbuletmə üsulları "laboratoriyasının əməkdaşı İSİ GAMŞ sədr müavini Rüstəm Əzimov, həmin laboratoriyanın böyük laborantı Punar Quliyeva məruzə etmişlər.
© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.
