AMEA Nizami Gəncəvi adına Milli Azərbaycan Ədəbiyyatı Muzeyinin böyük laborantı, Gənc Alim və Mütəxəssislər Şurasının üzvü Rəhilə Sadıqova “8 mart Beynəlxalq Qadınlar Günü”nə həsr olunan “Mirvarid Dilbazi poeziyasında qadına münasibət” mövzusunda seminar keçirtmişdir. Qeyd etmək lazımdır ki, seminarın mövzusunun Mirvarid Dilbaziyə (1912-2001) həsr olunması heç də təsadüfi deyildir. Belə ki, bu il onun anadan olmasının 110 illik yuvarlaq ildönümüdür.

Məruzəçi Rəhilə Sadıqova Mirvarid Dilbazi poeziyasında mühüm yer tutan mövzu olan qadın azadlığı, mərdliyi, dəyanəti, inadkarlığı və qadın qürurundan söhbət açmış, eyni zamanda şairənin yaradıcılığında əsas motivlərdən birini təşkil edən qadın obrazlarına toxunmuş, ümumiyyətlə, Mirvarid xanımın poeziyasında qadına, qıza, anaya olan münasibətdən söz açmışdır.

Gənc alim görkəmli sənətkarımızın 110 illik yubleyinə həsr olunan cari il üçün nəzərdə tutulmuş anım tədbirləri çərçivəsində Mirvarid Dilbazi yaradıcılığını təbliğ edən saytın da hazırlanıb oxucuların ixtiyarına veriləcəyini vurğulamışdır.

Sonda dinləyicilər tərəfindən məruzəçiyə mövzu çərçivəsində suallar ünvanlanmış, şairənin həyat və yaradıcılığını əks etdirən maraqlı və ətraflı seminar üçün təşəkkürlər bildirilmişdir.

  © Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.