Fotos
Botanika İnstitutunda Coğrafi İnformasiya Sistemləri mövzusunda seminar keçirilib
Mart 30 , 2022 | 12:57 / Mühüm hadisələr
Oxunma ( 655 )

AMEA Botanika İnstitutu Gənc alimlər və mütəxəssislər şurasının təşkilatçılığı ilə “Coğrafi İnformasiya Sistemlərinin biomüxtəliflik tədqiqatlarında tətbiqi” mövzusunda seminar keçirilib.

İnstitutun Sistematika və biomüxtəliflik şöbəsinin elmi işçisi Yusif Abiyev CİS texnologiyalarının ümumi anlayışları, iş prinsipləri, program və avadanlıq təminatları haqqında informasiya verərək bildirib ki, bu metodologiya dünyada biomüxtəliflik, botanika, meşəçilik sahələrində geniş istifadə olunur. Azərbaycanın “Qırmızı Kitabı”nın yeni nəşrində CİS texnologiyalarından istifadə edilərək, bitki populyasiya xəritələrinin qurulması və elektron məlumat bazasının yaradılması nəzərdə tutulub.

Məruzəçi bütün ekosistem tədqiqatlarında elektron xəritələrin mövcudluğunun vacibliyini vurğulayaraq, çöl ekspedisiyalarında müvafiq vasitələrlə işləmə, mümkün verilənlər bazası və ondan botanika sahəsinə uyğun yeni analitik analizlərin aparılması metodlarından bəhs edib.

Sonda müvafiq mövzularda müzakirələr aparılıb, İnstitutun gənc alimləri üçün ArcGIS program təminatı üzrə dərslərin keçirilməsi nəzərə alınıb.

Botanika İnstitutu

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.