Fotos
Molekulyar Biologiya və Biotexnologiyalar İnstitutunda “Molekulyar biologiya” ixtisası üzrə doktorluq imtahanı keçirilib
Mart 31 , 2022 | 09:47 /
Oxunma ( 672 )

31 mart 2022-ci il tarixində Molekulyar Biologiya və Biotexnologiyalar İnstitutunda “Molekulyar biologiya” ixtisası üzrə doktorant Fidan Hüseynovanın sessiyadankənar doktorluq imtahanı keçirilib. İmtahan “Fəlsəfə doktoru imtahanlarının keçirilmə Qaydası”-na əsasən institutun baş direktoru AMEA-nın vitse-prezidenti akademik İradə Hüseynovanın əmri ilə yaradılmış imtahan komissiyası tərəfindən tərtib edilən biletlər üzrə yazılı və şifahi keçirilmişdir.  İddiaçının imtahan nəticəsi 48 balla “Əla” qiymətləndirilmişdir.

Qeyd edək ki, AMEA və Fransanın Monpelye Universiteti arasında imzalanmış əməkdaşlıq sazişi əsasında, Fidan Hüseynova ikili diplom proqramı üzrə 2018-ci ildən Monpelye Universitetində təhsil almışdır. “Toxumanın bərpası üçün diş pulpası kök hüceyrələrinin angiogenik aktivləşdirilməsi” mövzusunda tədqiqatlar aparan Fidan Hüseynovanın Monpelye Universiteti tərəfindən elmi rəhbəri professor Veronique-Barragan Montero, AMEA tərəfindən MBBİ-nin icraçı direktoru, biologiya üzrə fəlsəfə doktoru Ələmdar Məmmədovdur.

Molekulyar Biologiya və Biotexnologiyalar İnstitutu

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.