AMEA Qafqazşünaslıq İnstitutunun baş direktoru AMEA-nın müxbir üzvü, professor Musa Qasımlının təşəbbüsü ilə Azərbaycanın keçmiş Baş və xarici işlər naziri, dövlət xadimi, diplomat, alim, tarix elmləri doktoru Həsən Həsənov 24 may tarixində İnstitutun gənc alimləri ilə görüşüb. 1992-ci ildən xarici siyasət və diplomatiya sahəsində fəaliyyət göstərən H.Həsənov elmi və bədii yaradıcılıqla da məşğuldur. O, “Makedoniyali İsgəndər və Atropat”, “Türklüyümüz”, “Əlimərdan bəy Topçubaşov: İstanbulda diplomatik görüşlər”, “Nəriman Nərimanovun milli dövətçilik baxışları və fəaliyyəti”, “Birinci Respublikaya aparan yolda”, “Azərbaycan-Turkiyə diplomatik əlaqələri mətbuat səhifələrində”, “Topların gurultusu altında diplomatiya: Azərbaycan Respublikasının ilk diplomatik missiyası” və b. monoqrafiyaların, çoxsaylı çıxışlar və məqalələr toplularının müəllifidir. 2004-cü ildə Bakıda “SSRİ-də milli təmayülçü hərəkat” mövzusunda namizədlik, 2006-cı ildə Tiflisdə isə “Tarixin fəlsəfəsi” mövzusunda doktorluq dissertasiyasını müdafiə etmişdir

Gənc alimlərlə görüş zamanı öz siyasi fəaliyyəti və elmi nailiyyətləri, təcrübəsi barədə danışan H.Həsənov onlara dəyərli tövsiyələr verib. Sonda İnstitutun gənc alimlərinə elmi fəaliyyətlərində uğurlar arzu edib.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.