AMEA  N.Tusi  adına  Şamaxı  Astrofizika  Rəsədxanasında  (ŞAR)  elmi-tədqiqat  işlərini  başa  çatdırmış  II  kurs  magistrantının dissertasiyasının  ilkin  müzakirə seminarı keçirilib.  "Zoom"  platforması  üzərindən  təşkil edilən seminarda ŞAR-ın direktoru, AMEA-nın müxbir üzvü Namiq Cəlilov, magistrantın elmi-tədqiqat işini apardığı şöbə müdiri və elmi rəhbəri, o cümlədən bir sıra ixtisasçılar da iştirak edib.

Seminara rəhbərlik edən Namiq Cəlilov tədbiri açaraq məruzənin mövzusu barədə seminar iştirakçılarına məlumat verib.

Daha sonra ŞAR magistrantı Aytac İskəndərova "Volf-Raye tipli HD191765 ulduzunun fotometrik dəyişkənliyi" mövzusunda dissertasiya işi haqqında təqdimatla çıxış edib.

Magistrantın məruzəsi ətrafında geniş müzakirə aparılıb və müvafiq tövsiyələr verilərək əsas müdafiəyə təqdim olunub.

N.Tusi  adına  Şamaxı  Astrofizika  Rəsədxanası  (ŞAR)