Fotos
Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib
Yan 27 , 2023 | 02:19 / Mühüm hadisələr
Oxunma ( 370 )

Yanvar ayının 26-da Azərbaycan Respublikası Elm və Təhsil Nazirliyinin Nəsirəddin Tusi adına Şamaxı Astrofizika Rəsədxanasında (ŞAR) Gənc Alim və Mütəxəssislər Şurasının növbəti astroseminarı keçirilib.

Seminara rəhbərlik edən astronomiya üzrə fəlsəfə doktoru Ülkər Rüstəm seminarı giriş sözü ilə açaraq, tədbir iştirakçılarını salamlayıb və onlara məruzənin mövzusu haqqında məlumat verib.

Sonra Şamaxı Astrofizika Rəsədxanasının “Qalaktikalar və ulduz əmələgəlmə prosesləri” şöbəsinin elmi işçisi Səbahəddin Alışov  “UAGS+Andor sistemində müşahidə prosesinin aparılması” mövzusunda məruzə ilə çıxış edib.

Məruzəçi seminarda zəif səma cisimlərinin spektral müşahidəsinin aparılması üçün teleskopun Kasseqren fokusunda quraşdırılmış  UAGS + obyektiv Canon EF (f=200 mm, f/2) + işıqqəbuledici Andor (ikonL-936-BEX2-DD 2048x2048, px=13,5 mkm) spektroqrafı haqqında ümumi məlumat verib. UAGS+Andor sistemində müşahidəyə hazırlıq, obyektlərin xəritələrinin hazırlanması və standart ulduzların seçilmə qaydası haqqında nəzəri məlumatlarla yanaşı, bütün bu proseslərin gedişatı adıçəkilən sistemin proqram təminatı üzərindən əyani olaraq da seminar iştrakçılarına göstərilib. 

Seminar iştirakçıları tərəfindən maraqla qarşılanan çıxışın yekununda mövzu ətrafında diskusiya aparılıb, suallar cavablandırılıb.

Nəsirəddin Tusi adına Şamaxı Astrofizika Rəsədxanası

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.