Fotos
Torpaqşünaslıq və Aqrokimya İnstitutunda Gənclər Günü ilə bağlı tədbir keçirilib
Fev 03 , 2023 | 01:30 / Mühüm hadisələr
Oxunma ( 420 )

Elm və Təhsil Nazirliyinin Torpaqşünaslıq və Aqrokimya İnstitutunda Həmkarlar İttifaqı Komitəsinin və  Gənc Alim və Mütəxəssislər Şurasının  təşkilatçılığı ilə 2 Fevral – Gənclər Günü münasibətilə tədbir keçirilib. İclası giriş sözü ilə Torpaqşünaslıq və Aqrokimya İnstitutunun baş direktoru, AMEA-nın müxbir üzvü, professor Əlövsət Quliyev açıb. Alim İnstitut gənclərini Gənclər Günü münasibətilə təbrik edib, onlara  gələcək fəaliyyətlərində uğurlar arzulayıb, tövsiyələrini səsləndirib.

       Ə.Quliyev qeyd edib kİ, bu gün Azərbaycan Respublikasının Prezidenti İlham Əliyev Ulu Öndər Heydər Əliyevin gənclər siyasətinə sadiqliyini öz qərarları ilə təsdiq edir. Azərbaycan gənclərinin günümüzdə müasir,  aparıcı qüvvə kimi formalaşmasında, dövlətimizin apardığı gənclər siyasətinin  mühüm rolu var.

         Tədbirdə çıxış edən İnstitutun Həmkarlar Təşkilatı Komitəsinin sədri a.e.d Məmməd Məmmədov institut gənclərini təbrik edərək, onlara göstərilən  göstərilən diqqət və qayğıdan bəhs edib. Onlara elmi fəaliyyətlərində yeni müvəffəqiyyətlər arzu edib.

          İnstitutun Qadınlar şurasının sədri a.e.ü.f.d Əminə Axundova institutun fəaliyyətində gənclərin xüsusi yeri olduğunu bildirib.­­

        Daha sonra tədbirdə  Torpaqşünaslıq və Aqrokimya İnstitutunun Gənc Alim və Mütəxəssislər Şurasının sədri Tərlan Yelmarlı “Ulu öndər H.Əliyev gənclər siyasətinin banisidir” adlı məruzə ilə çıxış edib.

        Gənclər günü ilə əlaqədar İnstitutun ötən il ərzində səmərəli elmi-ictimai fəaliyyəti ilə fərqlənən gənc alimləri Əli Gözəlzadə və Qəni Qasımova təşəkkürnamə təqdim olunub. Həmçinin Elm və Təhsil Nazirliyinin Torpaqşünaslıq və Aqrokimya İnstitutu üzrə ərazi partiya təşkilatının sədr müavini Fərid Mustafayevə rayonda dövlət gənclər siyasətinin həyata keçirilməsində göstərdiyi səmərəli fəaliyyətə görə və 2 Fevral- Azərbaycan Gənclər günü münasibətlə Yasamal Rayon İcra Hakimiyyəti başçısının sərəncamı ilə təltif edildiyi Fəxri Fərman təqim edilib.

         Tədbirin sonunda Gənclər gününə həsr olunmuş video rolik nümayiş etdirilib.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.