Fotos
Şamaxı Astrofizika Rəsədxanası Gənc Alim və Mütəxəssislər Şurasının növbəti iclası keçirilib
Mart 31 , 2023 | 11:06 / Mühüm hadisələr
Oxunma ( 419 )

Mart ayının 30-da N.Tusi adına Şamaxı Astrofizika Rəsədxanasının (ŞAR) Gənc Alim və Mütəxəssislər Şurasının (GAMŞ) növbəti iclası keçirilib. İclas Zoom proqramı üzərindən hibrid formada təşkil olunub.

Tədbiri ŞAR Gənc Alim və Mütəxəssislər Şurasının sədri Aynurə Həsənova açaraq, gündəlikdə duran məsələlər barədə şura üzvlərinə məlumat verib.

İclasda ilk olaraq yeni Astronomiya kitabının hazırlanması müzakirə olunub. Şura üzvlərinin təklifləri dinlənildikdən sonra kitabın hazırlanması üçün işçi qrupun yaradılması barədə qərar qəbul olunub. 

Sonra Gənc Alim və Mütəxəssislər Şurasının 2023-cü ilin 2-ci rübü üçün Astroseminar yığıncağına təqdim olunacaq seminar mövzuları haqqında ŞAR-ın icraçı direktor, professor Nəriman İsmayılov çıxış edib. O, gənclərin natiqlik bacarıqlarının inkişafı üçün GAMŞ seminarlarının əhəmiyyətini yüksək qiymətləndirib. Nəriman İsmayılov çıxışı zamanı seminara təqdim olunan məruzələrin həm elmi, həm elmi populyar, həm də öyrədici olmaqla müxtəlif istiqamətləri əhatə etməsinin daha səmərəli nəticə verəcəyini bildirib və  gənclərə fəaliyyətlərini bu istiqamətdə qurmağı təklif edib. Təklif ətrafında geniş müzakirə aparılıb və yekdilliklə qəbul olunub.

Sonda bir sıra cari məsələlər müzakirə olunub.

N.Tusi adına Şamaxı Astrofizika Rəsədxanası

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.