Azərbaycan Respublikası Gənclər və İdman Nazirliyi və Azərbaycan Milli Elmlər Akademiyası Gənc Alim və Mütəxəssislər Şurasının birgə təşkilatçılığı ilə 26 iyun - 1 iyul tarixlərində Şəki Olimpiya Kompleksində Gənclərin İnnovativ İdeya Düşərgəsi təşkil ediləcək. Respublikanın müxtəlif elmi-tədqiqat və təhsil müəssisələrində çalışan gənc alim və mütəxəssislərin iştirak edəcəyi düşərgədə ayrı-ayrı mövzuları əhatə edəcək təlimlərin, intellektual viktorinaların, eləcə də bir sıra idman yarışlarının keçirilməsi nəzərdə tutulur. Düşərgənin sonunda "İdeya yarmarkası" təşkil ediləcəkdir. Düşərgənin təşkilində məqsəd gənc elm adamlarının bir-biriləri ilə daha sıx və yaxından əməkdaşlıq etməsinə şərait yaratmaq və asudə vaxtlarının səmərəli təşkilinə töhfə verməkdən ibarətdir.