"Doktoranturaya qəbul və xarici dil üzrə fəlsəfə doktoru" mövzusunda maarifləndirici vebinar keçirilmişdir.
Fev 04 , 2024 | 12:56 / Mühüm hadisələr
Fev 04 , 2024 | 12:56 / Mühüm hadisələr
Oxunma ( 408 )
4 fevral, 2024-cü il tarixində İdarəetmə Sistemləri İnstitutu (İSİ) Gənc Alim və Mütəxəssislər şurası (GAMŞ) təşkilatçılığı ilə "Doktoranturaya qəbul və xarici dil üzrə fəlsəfə doktoru" mövzusunda maarifləndirici vebinar keçirilmişdir.
Təlimdə Respublikanın müxtəlif Ali Təhsil müəssisələrinin və AMEA-nın institutlarının doktorant və dissertantları, Gənc Alim və Mütəxəssislər şurasının üzvləri həmçinin magistrantlar və doktoranturaya hazırlaşan namizədlər olmaqla ümumilikdə 100 nəfər iştirak etmişdir.
Tədbiri giriş nitqi ilə açan İSİ Gənc Alim və Mütəxəssislər şurasının sədri, kiçik elmi işçi Lamiyə Nəcəfova əvvəlcə doktorantura təhsili və elmi karyera haqqında təlim iştirakçılarına ümumi məlumat vermişdir. Daha sonra təlimçilər Elşən Bağırov, İlahə İsgəndərova, Nurdan Əsədova ətraflı məruzə etmişdir.
İnformasiya Texnologiyaları İnstitutunun dissertantı həmçinin data elmi üzrə ekspert Elşən Bağırov doktorantura və dissertanturaya qəbul qaydaları haqqında danışmış, namizədlərin bu barədə çox saylı suallarını cavablandırmışdır.
İngilis dili üzrə təlimçi İlahə İsgəndərova xarici dil üzrə, Baki Dövlət Universitetinin müəllimi Nurdan Əsədova isə fəlsəfə fənni üzrə imtahanının strukturu, imtahanlarda istifadə olunan test modelləri ilə bağlı geniş məlumat vermişlər.
Sonda sual-cavab sessiyası keçirilmişdir.
© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.
