Fotos
Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib
May 05 , 2024 | 03:33 / Mühüm hadisələr
Oxunma ( 97 )

Mayın 3-də Azərbaycan Respublikası Elm və Təhsil Nazirliyinin Nəsirəddin Tusi adına Şamaxı Astrofizika Rəsədxanasında (ŞAR) Gənc Alim və Mütəxəssislər Şurasının (GAMŞ) növbəti genişləndirilmiş astroseminarı keçirilib.

Seminara rəhbərlik edən astronomiya üzrə fəlsəfə doktoru Ülkər Rüstəm seminarı giriş sözü ilə açaraq, tədbir iştirakçılarını salamlayıb və onlara məruzənin mövzusu haqqında məlumat verib.

Sonra Şamaxı Astrofizika Rəsədxanasının “Nəzəri astrofizika və kosmologiya” şöbəsinin elmi işçisi Şahnaz Tağıyeva Mezon və barionların qarşılıqlı təsirinin holoqrafik KXD modellərində öyrənilməsi” mövzusunda məruzə ilə çıxış edib.

Təqdim olunan işdə holoqrafik KXD-nin (Kvant XromoDinamikası) sərt və yumşaq divar modellərində temperatur olmayan halda və sonlu temperatur halında mezon-barion arasındakı qarşılıqlı təsir sabitləri müəyyən edilmişdir. N + γ* → N* keçidləri üçün elektromaqnit formfaktorlarının, spiral amplitudların ötürülən impulsun kvadratından asılılıqları tədqiq edilmiş və hər bir keçid üçün yük, maqnit radiuslarının ədədi qiymətləri aşkar edilmişdir. Holoqrafik KXD modellərindən alınan nəticələrin bir sıra təcrübi və mövcud nəzəri modellərdən əldə edilmiş nəticələrlə müqayisəli təhlili aparılmışdır.

Məruzə seminar iştirakçıları tərəfindən maraqla qarşılanıb. Çıxışın yekununda mövzu ətrafında geniş müzakirə aparılıb, suallar cavablandırılıb.

Nəsirəddin Tusi adına Şamaxı Astrofizika Rəsədxanası

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.