Tədbiri astronomiya üzrə fəlsəfə doktoru Ülkər Rüstəm giriş sözü ilə açaraq, iştirakçıları salamlayıb və onlara məruzənin mövzusu haqqında məlumat verib.

Sonra Şamaxı Astrofizika Rəsədxanasının əməkdaşı İsrayıl Balayev "Teleskopların inkişaf mərhələləri: Şamaxı Astrofizika Rəsədxanasının 2 metrlik teleskopu" mövzusunda məruzə ilə çıxış edib. 

Məruzəçi seminarda qeyd edib ki, astronomik tədqiqatların əsasını müşahidə texnologiyalarının inkişafı təşkil edir. Teleskopların inkişafı, kainatın quruluşu və dinamikası haqqında elmi biliklərin genişlənməsinə mühüm töhfələr vermişdir. Bu inkişaf prosesi tədricən daha mürəkkəb quruluşlu və yüksək müşahidə dəqiqliyinə malik cihazların meydana çıxması ilə nəticələnmişdir. 

Təqdim olunan işdə teleskopların tarixi inkişaf mərhələləri, ŞAR-ın Zeiss-2000 teleskopunun texniki xüsusiyyətləri, quraşdırılması prosesi və ona bağlı cihazlar haqqında ətraflı məlumat verilib. Astronomik müşahidələr zamanı elmi tədqiqatçıların qarşılaşa biləcəyi problemlərin həlli yolları şərh edilib.

Seminar iştirakçıları tərəfindən maraqla qarşılanan məruzənin sonununda mövzu ətrafında geniş müzakirələr aparılıb, iştirakçıları maraqlandıran suallar cavablandırılıb. 

Azərbaycan Respublikası Elm və Təhsil Nazirliyi Nəsirəddin Tusi adına Şamaxı Astrofizika Rəsədxanası