Nəsimi adına Dilçilik İnstitutunun Müasir Azərbaycan dili şöbəsinin kiçik elmi işçisi, Gənc Alim və Mütəxəssislər Şurasının sədr müavini, doktorant Fatimə Fətullayeva 14 may tarixində Azərbaycan Dövlət Pedaqoji Universitetində keçirilən “I Türkoloji Qurultayın 100 illiyi: Dil məsələləri” beynəlxalq elmi konfransında iştirak etmişdir.

ADPU, TÜRKSOY, Yunus Əmrə İnstitutu, Daşkənd Beynəlxalq Universiteti və ADPU-nun Filologiya fakültəsinin birgə təşkilatçılığı ilə baş tutan konfransda Azərbaycanla yanaşı Türkiyə, Özbəkistan, Qazaxıstan, Qırğızıstan, Koreya, Rusiya, Ukrayna, Moldova, Estoniya, Əfqanıstan və digər ölkələrdən alim və tədqiqatçılar konfransda iştirak etmişlər.

Konfrans çərçivəsində o, “Türkoloji Qurultayda Hənəfi Zeynallının terminologiya ilə bağlı görüşləri” mövzusunda məruzə ilə çıxış etmişdir. Məruzəsində Hənəfi Zeynallının terminologiya ilə bağlı fikirləri, milli elmi terminologiyanın formalaşmasına münasibəti və Türkoloji Qurultaydakı baxışları haqqında danışmışdır.