Azərbaycan Milli Elmlər Akademiyasının (AMEA) Mikrobiologiya İnstitutunda Gənc Alim və Mütəxəssislər Şurasının təsis yığıncağı keçirilmişdir. 

AMEA-dan AzərTAc-a bildirmişlər ki, tədbirdə institutun direktoru, akademik Məmməd Salmanov institutun gənc kadrlarının fəaliyyəti, uğurları, konfranslarda, müxtəlif yerli və beynəlxalq proqramlarda iştirakı barədə məlumat vermişdir. 

Sonra institutun yeni yaradılacaq Gənc Alim və Mütəxəssislər Şurasına namizədliyi irəli sürülən gənclər səsvermə yolu ilə üzv seçilmişlər. 

Tərkibi 7 nəfərdən ibarət olmaqla Gənc Alim və Mütəxəssislər Şurasının sədri Aytən Qarayusifova, sədr müavini Vüsalə Xəlilova , katibi Gülnarə Həsənova seçilmişlər. 

AMEA Rəyasət Heyətinin iclasında Gənc Alim və Mütəxəssislər Şurasının yaradılmasına dair qəbul olunmuş qərar haqqında məlumat verən institutun elmi işlər üzrə direktor müavini, AMEA-nın müxbir üzvü Pənah Muradov gəncləri təbrik etmiş və onlara gələcək fəaliyyətlərində uğurlar arzulamışdır.