Azərbaycan Milli Elmlər Akademiyasının Fiziologiya İnstitutunda Gənc Alim və Mütəxəssislər Şurasının təsis yığıncağı keçirilmişdir 

Akademiyadan AzərTAc-a bildirmişlər ki, tədbirdə institutun direktoru, AMEA-nın müxbir üzvü Telman Ağayev Azərbaycan gənclərinin cəmiyyətin inkişafında böyük rola malik olduğunu söyləmişdir. Bildirmişdir ki, gənc alimlər beynəlxalq tədbirlərdə yüksək fəallıqla iştirak edirlər. 

Şuranın yaradılmasının əhəmiyyəti, məqsəd və vəzifələrindən danışan institutun elmi işlər üzrə direktor müavini, biologiya üzrə fəlsəfə doktoru Afiq Qazıyev fiziologiya elmində müasir tələblərə cavab verən metodikalara əsaslanmış yeni istiqamətlərin müəyyənləşdirilməsində gənc kadrların potensialından istifadə etməyin vacibliyindən söz açmışdır. Bildirmişdir ki, hazırda institut əməkdaşlarının 60 faizini gənc kadrlar təşkil edir. 

Sonra səsvermə yolu ilə institutun Gənc Alim və Mütəxəssislər Şurasına sədr, sədr müavini katib və üzvləri seçilmişlər.

Tərkibi 15 nəfərdən ibarət Gənc Alim və Mütəxəssislər Şurasının sədri Zemfira Qədimova, sədr müavini Afaq Nurullayeva, katibi Xatirə Səfixanova seçilmişlər.