Gənc Alim və Mütəxəssislər Şurası “Ən son elmi naliyyətlərimiz “ adı altında müxtəlif elmi istiqamətlər üzrə seminarlar təşkil etməklə, elmin təbliği kompaniyasına start verib. İlk tədbir Gəncə Dövlət Universitetinin bakalavr və magistrları üçün keçirilib.

YAP Gəncə şəhər Təşkilatında təşkil keçirilən görüşdə gənc alimlər AMEA-nın yeni rəhbərliyinin Azərbaycanda elmlə təhsilin vəhdətinin gücləndirilməsi, müasir elmi təfəkkürlü gənc mütəxəssislərin yetişdirilməsi, elmin sərhədlərinin mərkəzdən regionlara doğru genişləndirilməsi və s. istiqamətlər üzrə apardığı elmi siyasət haqqında seminar iştirakçılarına geniş məlumatlar veriblər.

Gedişatda yuxarı kurs tələbə və magistrların AMEA-nın müvafiq institutlarında təcrübə keçməyə cəlb olunması, onların buraxılış və magistr işlərinin həmin müəssisələrdə yerinə yetirilməsi prespektivlərinə toxunulub. Alim və Mütəxəssislər Şurasının sədri Əfsun Sucayev, texnika üzrə fəlsəfə doktoru Nərminə Abdullayeva, kimya üzrə fəlsəfə doktorları Faiq Məmmədov və Sevil Maşayeva təmsil etdikləri elmi tədqiqat müəssisələrinin son elmi naliyyətləri haqda danışıblar.

Bildirilib ki, son elmi naliyyətlərin əldə olunmasında gənc alimlərin rolu danılmazdır. Seminar mövzu ətrafında geniş müzakirələrlə davam edib.