Azərbaycan Milli Elmlər Akademiyası Neft-Kimya Prosesləri İnstitutunun Gənc Alimlər və Mütəxəssislər Şurası Goranboy rayonu ərazisində məskunlaşmış Xocalı rayonu qaçqınlarının məktəbliləri arasında kimya üzrə olimpiada keçirib. Tədbir 1 saylı orta məktəbdə baş tutub. Birinci, ikinci, üçüncü yerləri tutmuş şagirdlər qiymətli hədiyyələr və sertifikatla mükafatlandırılıblar. Digər iştirakçılara sertifikatlar təqdim olunub.

Sonda AMEA Neft-Kimya Prosesləri İnstitutunun Gənc Alimlər və Mütəxəssislər Şurası institut adından olimpiada keçirilmiş 1 saylı orta məktəbə lazımi kimyəvi avadanlıq, reaktivlər və dərsliklər təqdim edib.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.