AMEA Botanika İnstitutunun doktorantı  Aynurə Cəfərova  17-30 may 2015-ci il tarixlərində Almaniyanın Justus Liebig Giessen Universitetində “Methods to evaluate enviromental impact of agriculture” mövzusunda keçirilən yay məktəbində iki həftəlik təlim keçib. İnstitutun Elmi İnformasiya və İnnovasiya şöbəsindən verilən məlumata görə, DAAD tərəfindən təşkil olunmuş kursda Albaniya, Azərbaycan, Kosovo və Gürcüstandan olan doktorantlar və magistrlar iştirak ediblər. Landşaft Ekologiyası və Landşaft Planlaşdırılması İnstitutunun (Almaniya) professoru Dr. Rainer Waldhardt və Torpaq Elmləri İnstitutunun (Almaniya) professoru Dr. Rolf Düringün kordinatorluğu ilə keçirilən  kursda  bitki örtüyü və landşaft ekologiyası, torpaq elmləri və ekotoksikologiya mövzuları üzrə mühazirələr, laboratoriya və çöl təcrübələri həyata keçirilib. Sonda iştirakçılara beynəlxalq sertifikat verilib.