AMEA Botanika İnstitutunun doktorantı Aynurə Cəfərova 23 iyun-03 iyul 2015-ci il tarixlərində Leibniz-Institut für Pflanzengenetik und Kulturpflanzenforschung (IPK)-da (Gatersleben, Almanya) ezamiyyətdə olub. Elmi İnformasiya və İnnovasiya şöbəsinin məlumatında bildirilir ki, səfər Azərbaycan Respublikası Prezidenti yanında Gənclər Fondunnun dəstəyi ilə “Azərbaycanın ağır metallarla çirklənmiş torpaqlarının bərpasında yerli bitki növlərindən istifadənin tədqiqi” adlı qalib layihə çərçivəsində həyata keçirilib.
     A.Cəfərova ezamiyyət müddətində çöl təcrübələri və təcrübə sahələrindən laboratoriya analizləri üçün bitki nümunələrinin toplanması metodunu, torpağın müxtəlif dərinliklərinə verilən gübrələrin bitki qidalanmasına, bitkilərin mineral tərkibinə təsirini, fenotipini öyrənmək üçün istifadə edilən Hyperspectral İmaging avadanlığının iş prinsipini və  istifadə qaydalarını öyrənib.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.