Sen 18 , 2015 | 01:00 /
AMEA Dendrologiya İnstitutunun gənc alimi, dissertant Əliyeva Şəbnəm Rafiq qızı Abşeronun torpaq, iqlim amillərinin oxşar xüsusiyyətlərə malik olduğunu nəzərə alaraq elmi-təcrübi tədqiqat işləri aparmaq məqsədi ilə Türkiyənin Akdeniz Universitesi Bioloji bölümü və Botanik Bahçesi Uygulama və Araşdırma Mərkəzindəki 3 aylıq ezamiyyət müddəti başa çatdırmışdır.
Ezamiyyə dövründə Antalya bölgəsinin Kəmər, Bələk, Alanya və s. bölgələrində Akdəniz Univeristetinin əməkdaşları ilə birgə ekspedisiyalar təşkil edilmiş, Antalya və Abşeron dendroflorası müqayisəli təhlil edilmiş, herbarilər toplanmış, bir çox növlərin toxumları yığılmışdır. Tədqiqatın nəticəsi olaraq “Abşeron və Antalya bölgəsinin təbii və mədəni florasını müqayisəli təhlili” mövzusunda məqalə hazırlanmışdır.
Dissertasiya mövzüsuna uyğun olaraq Biqnoniyakimilər fəsiləsinin Chilopsis, Katalpa və Tekoma cinslərinə aid növlərin Antalya bölgəsində təbii və mədəni şəraitdə yayılmasının inkişaf dinamikası və fenologiyasının öyrənilməsi istiqamətində müşahidələr aparılmışdır. Həmin müddətdə Antalya bölgəsində tədqiq olunan növlərin bioloji inkişaf fazalarının Abşeron şəraiti ilə müqayisəli təhlil edilərək, tədqiqat ərazilərindən herbarilər toplanılaraq, gətirilən toxumların Abşeron şəraitində çoxaldılması qarşıya məqsəd qoyulmuşdur.
© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir