AMEA Botanika İnstitutunun baş elmi işçisi, a.ü.f.d. Əmrah Məmmədov İsfahan Texnoloji Universitetinin dəvəti ilə İranda səfərdə olub. Ə.Məmmədov Rəfsəncan şəhərində keçirilən "Torpaq Sağlamlığı və Həyat Təhlükəsizliyi" Konqresində “Rizosfer zonasında struktur dəyişikliyinin tədqiqi” mövzusu üzrə plenar məruzə ilə çıxış edib. Səfər müddətində alim, həmçinin, İsfahan Texnoloji Universitetinin Aqrar fakultəsində ərazinin deqradasiya proseslərində zaman-məkan dəyişikliyinin rolu mövzusu ilə professor-müəllim və tələbə heyəti qarşısında mühazirə oxuyub, Universitet ilə İnstitut arasında əməkdaşliq müzakirə edilib.