AMEA nəzdində Respublika Seysmoloji Xidmət Mərkəzi  zəlzələlər, onların baş vermə səbəbləri və zəlzələ zamanı davranış qaydaları ilə bağlı məktəblilər arasında maarifləndirmə işini davam etdirir.

 Avropa Azərbaycan məktəbinin şagirdləri AMEA nəzdində Respublika Seysmoloji Xidmət Mərkəzində olublar. RSXM-in baş direktoru, AMEA-nın müxbir üzvü, "Əməkdar elm xadimi" Qurban Yetirmişli əvvəlcə qonaqlara mərkəzin işi ilə bağlı ətraflı məlumat verib. 

Daha sonra RSXM-nin "Zəlzələ ocaqlarının dinamikası" şöbəsinin müdiri, geologiya-mineralogiya üzrə fəlsəfə doktoru Səbinə Kazımova "Zəlzələlər, onların yaranma səbəbi və baş verən zəlzələlər zamanı davranış qaydaları" haqqında təqdimatla çıxış edib. Həmçinin məktəblilərin mövzu ilə bağlı sualları ətraflı şəkildə cavablandırılıb.

Tədbirə məktəblilərin AMEA nəzdində RSXM-in Monitoriq Mərkəzinin işi ilə yaxından tanış olması ilə yekun vurulub.