11 noyabr 2015-ci il tarixində Azərbaycan Milli Elmlər Akademiyası Polimer Materialları İnstitutunun Gənc Alim və Mütəxəssislər Şurasının təşkilatçılığı ilə AMEA-nın 70 illik yubileyinə həsr olunmuş “Tarix və müasirlik” mövzusunda seminar keçirildi. İnstitutun direktoru, akademik Akif Əzizov seminar iştirakçılarını AMEA-nın 70 illik yubileyi münasibəti ilə təbrik edərək, gənclərə elmi işlərində uğurlar arzuladı. Seminarı giriş sözü ilə şuranın sədri k.ü.f.d. Sevil Maşayeva açdı. İlk əvvəl dinləyicilərə AMEA-nın 70 illik tarixindən bəhs edən video çarx təqdim olundu. Daha sonra institutun kiçik elmi işçiləri Xəlilova Sənəm “Akademiyanın 70 illik tarixi”, Əliyeva Afət “Akademiya simalarda: Yusif Məmmədəliyev” mövzuları üzrə məruzə etdilər.