Fotos
AMEA Mikrobiologiya İnstitutunda məktəblilərlə görüş keçrilib
Noy 19 , 2015 | 03:00 / ELMİN TƏBLİĞİ
Oxunma ( 3012 )

19 noyabr 2015-ci il tarixdə AMEA Mikrobiologiya İnstitutunda Gənc Alim və Mütəxəsislər Şurasının təşkilatçılığı ilə Bakı şəhəri Binəqədi rayonunun 83 saylı məktəb-liseyin 6-cı sinif şagirdləri  üçün "CANLI ALƏMƏ SƏYAHƏT – MİKROORQANİZMLƏRİN CANLI ALƏMDƏ YERİ VƏ ROLU” mövzusunda  tədbir keçirilib.

 AMEA-nın Gənc Alım  və Mütəxəsislər Şurasının sədri Vüsalə Xəlilzadə tədbirin əhəmiyyətindən danışaraq, belə bir marifləndirici  görüşün  şagirdlərin dünya görüşünün  formalaşması, onlarda kiçik yaşlardan elmə maragın artmasında müəyyən rol oynayacağını bildirib.

Sonra İnstitutun “Ekoloji mikrobiologiya” laboratoriyasının elmi işçisi, biologiya üzrə fəlsəfə doktoru Qasımova Aygün "CANLI ALƏMƏ SƏYAHƏT – MİKROORQANİZMLƏRİN CANLI ALƏMDƏ YERİ VƏ ROLU” mövzusunda məruzə edib. Nümayiş olunan slayt təqdimat isə balacaların marağına səbəb olub.

Məktəblilərə Mikrobiologiya İnstitutunun yerləşdiyi Mərkəzi Nəbatat Bağı ilə yaxından tanış olmaq imkanı da yaradılıb.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.