24 və 28 dekabr 2015-ci il tarixlərində Azərbaycan Milli Elmlər Akademiyasının Əsas Binasının kiçik akt zalında Gənc Alim və Mütəxəssislər Şurasının elmi bölmələrinin 2015-ci il üzrə illik hesabat yığıncağı keçiriləcək. İlk iclas günündə Şuranın Fizika-Riyaziyyat və Texnika, Biologiya və Tibb, Aqrar Elmlər və Gəncə bölmələrinin hesabat məruzələri dinləniləcək.

Növbəti iclas günündə isə Kimya, Yer, Humanitar, İctimai elmlər, Naxçıvan bölmələri və Şəki Regional Elm Mərkəzinin hesabatı olacaq. Hər iki iclas saat 14:30-da başlanılacaq. Müvafiq bölmə katiblərindən xahiş olunur ki, hazırladıqları məruzə və slayt təqdimatı 22 dekabr 2015-ci il tarixinə qədər AMEA Gənc Alim və Mütəxəssislər Şurasına təqdim etsinlər.

Bütün İnstitut Gənc Alim və Mütəxəssislər şuralarının sədr və müvavinlərinin iclaslarda iştirakı vacibdir.