Bu yaxınlarda kimyaçılar və kimyasevərlərin marağına səbəb olacaq, yeni nəşr işıq üzü görəcək. Belə ki, "Azerbaijan Chemical Society" bu ilin fevral ayından etibarən "Chemistry and Life" (Kimya və Həyat) adlı aylıq onlayn jurnalın buraxılışına başlayacaq. Bu haqda məlumat verən jurnalın təsisşilərindən, kimyaçı gənc mütəxəssis Elmir Babanın məlumatına görə, jurnalda oxucu auditoriyası və maraqlı tərəflər görmək istədiyi yazıları mesaj bölməsindən yazaraq və ya azecs2015@gmail.com e-mail adresinə elektron məktub göndərərək arzu və istəklərini bildirə biləcəklər: "Başlanğıc bu dərgi onlayn olacaq. Aylıq jurnal üçün keçid linkini səhifəmizdə paylaşacayıq. Saytımızın üzərində iş gedir və hazır olduqdan sonra isə saytda jurnala keçid link olacaq. Aprel ayında isə jurnalın çap versiyası işıq üzü görəcək. Jurnalın 2-ci buraxılışında məhz, oxucu arzu və istəklərlə bağlı elmi-publisistik janrda məqalələr də yer alacaqdır".

Təsisçilər jurnalın maraqla qarşılanacağına və geniş oxuyucu kütləsinə malik olacağına ümid edir.