AMEA-nın gənc mütəxəssisi gözdən əlillər üçün hazırladığı planşet layihəsini ABŞ-da təqdim edib
Yan 13 , 2016 | 12:02 /
Oxunma ( 4510 )

AMEA-nın İşlər İdarəsinin əməkdaşı Rəşid Əliyev ABŞ-ın Missuri ştatının, Sent Lyuis şəhərinin icra hakimiyyəti və Arch Grants təşkilatının birgə dəstəyi ilə keçirilən qrant müsabiqəsində müəllifi olduğu "Braille Pad" layihəsi ilə bağlı iştirak etmək üçün 6-8 yanvar 2016-cı il tarixlərində ABŞ-da ezamiyyətdə olub. O, münsiflər heyəti qarşısında müvəffəqiyyətlə çıxış edərək, layihəni təqdim edib.

R.Əliyev, həmçinin Sent Lyuis şəhərində yerləşən Vaşinqton Universitetinin və Missuri Elm və Texnologiyalar Universitetinin müəllim-professor heyəti ilə görüşdə iştirak edib, layihə ilə bağlı müzakirələrdə səsləndirilən fikir və təklifləri əldə edib. Görüşdə AMEA ilə universitetlər arasında əməkdaşlıq etmək üçün müvafiq imkanlar və potensial sahələr araşdırılıb. Daha sonra R.Əliyev 8-9 yanvar 2016-cı il tarixlərində Nyu York Universitetində (NYU) də "Braille Pad" layihəsini təqdim edib.

Qeyd edək ki, R.Əliyevin müəllifi olduğu gözdən əlillər üçün planşet layihəsi olan “BraillePad” artıq beynəlxalq investorların diqqətini cəlb edir.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.