Sumqayıt şəhər İcra hakimiyyəti və Sumqayıt şəhər Gənclər və İdman Baş İdarəsinin təşkilatçılığı ilə “Park Palace”da 2 fevral – Gənclər Günü münasibətilə bayram tədbiri keçirildi.

Tədbirdə 2 fevral 1996-cı ildə ümumilli lider Heydər Əliyevin təşəbbüsü ilə müstəqil Azərbaycan gənclərinin ilk forumunun keçirilməsi və həmin vaxtdan etibarən ənənəvi olaraq hər il 2 fevralın Azərbaycan gənclərinin bayramı kimi təntənəli şəkildə qeyd olunmasının 20 illiyini əks etdirən video çarx izləndi. Daha sonra Sumqayıt Şəhər İcra Hakimiyyətinin Başçısı Zakir Fərəcov çıxış edərək Sumqayıt gənclərini 2 fevral – Gənclər Günü münasibətilə təbrik etdi, gənclərin ölkənin ictimai-siyasi həyatındakı rolunu xüsusi olaraq vurğuladı və daha sonra 2015-ci ildə müxtəlif sahələrdə fərqlənmiş bir qrup gənci fəxri fərmanlarla təltif etdi.

AMEA Polimer Materialları İnstitutunun “Polimerlərin mexaniki-kimyəvi modifikasiyası və emalı” laboratoriyasının elmi işçisi Nüşabə Arzumanova “İlin gənc ixtiraçı alimi” nominasiyasında Sumqayıt Şəhər İcra Hakimiyyətinin Fəxri Fərmanı ilə təltif edildi.

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.